Wieder..wieder..ick klopp..wieder....

...so hört man dat alle veerteihn Doog in´t Sünnebüller Füerwehrhus, wenn de Senioren sick to´t Kortenspeelen droopen.
Doch bevör dat sowiet is, giff dat een ordentliche „Mundvull Schnack“ bi en Stück Kooken und Kaffee. Dorbie vertellt oder hört man wat Nües oder wat man so erleevt hett.
Bie dat Kaffeedrinken  sitten de Männer und Fruuns an getrennte Dische, Aber ik mutt seggen, bie de Männer is da immer wat stiller, as an de annere Disch. Giff dat sach nich so veel to vertelln. No dat Kaffeedrinken setten sick een bit twee Fruuns röber an de Männerdisch, dormit denn in twee Partien Duppelkopp speelt warn kann.
Jeder leggt sick sien Lüttgeldbunk henn und hofft, dat dat im Loop vun de Nommadag mehr ward. Ober dat klappt nich immer, manchmol liggt dor am Ende uk weniger.

De Korden warn verdeelt und denn geiht dat los: „Kloppst Du?“ „ Ne, sun Schietkort, dor kann ick nich op kloppen.“ Oder Eener seggt glieks: „ Ick klopp!“ oder en annere seggt: „Schönnt wie nich nüe Korden hemm?“. Aff un to hört man uk midden int Spill: „Mit wem speel ick egentli?“ Oder „Oh, nu hest Du mie öberstooken. Wie speeln doch tosoben.“
Dor is ober keener gifti openanner. De Spoß und uk dat Tosobenkoben is dat Wichtigste. Un dat hem sick in de nengtiger Johre uk de dormolige Senioren dacht, as an dat Füerwehrhus een Gemeenschaftsruum  anbuut wor. Dor is en Ruum, wo wie uns dropen könnt und so wor „ dat Kortenspeelen in´t Füerwehrhus“ in´t Leben roopen.
In Eegenregie woor und ward dat organisiert. Dorvör weern immer een bit twee Lüüd toständig. Siet een poor Johr sorgen Christine und Helga dorvör, dat allens immer fein herrichtet is. Danke, jem Beiden!!
To Tied sind dor ölben Kortenspeelers, dree Männer und acht Fruuns. De Ölste ward dit Johr 90 un de Jüngste 63. Schön weer dat, wenn dor noch een poor Senioren dorto kämen, denn kunnen wie in dree Partien speelen.

{joomplucat:6 limit=4|columns=3}